Gyda chymaint o newyddion trallodus ar draws y byd, mae'n bosib bod dathliadau’r haf ymhell o’ch meddwl. Ond, mae'r dyddiau hirach, mwy disglair yn dod â llawenydd i'w groesawu ac rydym yn gwybod y gall Y Cinio Mawr fod yn ffordd wych o godi hwyliau ac arian y mae mawr ei angen ar gyfer y rhai mewn angen ac at achosion lleol.
Felly, yr haf hwn, rydym yn dod â llawer o ffyrdd i chi ddod at eich gilydd a chynnal digwyddiadau mawr a bach ym mha bynnag ffordd sy'n gweithio orau i'ch cymuned.

Mae'r Cinio Mawr Jiwbilî yn rhan o'r dathliadau swyddogol ar gyfer Jiwbilî Blatinwm Ei Mawrhydi'r Frenhines rhwng 2-5 Mehefin ac unwaith eto bydd Y Cinio Mawr yn cychwyn Mis y Gymuned.

Sut bynnag y byddwch yn penderfynu ymuno, edrychwch ar ein canllaw fideo sydyn a gwyliwch y fideo o'n gweithdy sesiwn 'Sut i' mis Mawrth, i gael ychydig o awgrymiadau gan ein tîm hyfryd.

Gyda llai na 10 wythnos i fynd tan Y Cinio Mawr Jiwbilî, mae'n bryd bod yn ymarferol gyda'ch cynllunio. Mae'n bosib bod amser gennych o hyd i wneud cais i gau'ch ffordd - cymerwch olwg ar wefan eich cyngor a'n hasesiad risg, templed map ac arweiniad ar yswiriant rhad i'ch rhoi ar ben ffordd. Ond does dim rhaid cau ffordd i gael hwyl, cynhelir Ciniawau Mawr mewn pob math o lefydd, o feysydd parcio i dir comin, gerddi cefn i gychod!